Duweke Sapa
(Dening : Biyunge Rindra Henky,
sapinggiring kali Glugu, April 2013)
Aja didhaku
Iki dudu duwekmu
Uga dudu duwekku
Iki
sing abang, iku sing biru
Kae
putih, kuning lan ungu
Delengen
dhisik aja kesusu
Sing
nunggu lagi nesu mula mbecucu tanpa ngguyu
Umpama mripat iki
ora bisa mulat
Mesthi ora weruh
sakabehing kang kasad
Umpama irung ora
bisa ngambung
Tutuk iki ya ora
bisa crita, ambune sate … lan sapanunggalane
Kanca…
Sikil iki bisa lumaku
Lumaku mrana-mrana
Saka omah menyang sekolah
Saka sekolah bali maneh ing omah
Awake dhewe bisa
Merga dhawuhe
Kang Maha Bisa
Mula kabeh iku
kagungane Kang Maha Bisa
Ayo kaudi amrih
piguna
Piguna tumrap
sepadha-padha
Tandha syukur
marang Gusti Kang Maha Kuwasa
Amarga…
Samangsa nyawa iki kapundhut Kang Kuwasa
Nyatane ya ora bisa apa-apa
Tidak ada komentar:
Posting Komentar